Türkiyənin Güleç ABC Təhsil Qurumları ilə əməkdaşlıq müqaviləsi imzalandı
Türkiyənin tanınmış təhsil müəssisələrinin rəhbəri və əməkdaşları “Zəka-S” Təlim-Tədris Mərkəzində oldular!
Bu günlərdə Türkiyədə kifayət qədər məşhur olan ABC okullarının sahibi və rəhbəri Harun Güleç və onu müşayət edən bu mötəbər təhsil müəssisəsinin baş yardımçısı Ahmet Güleç və yardımçısı Abdurrahman Kaya Mingəçevir şəhərində “Zəka-S” Təlim-Tədris Məkəzində olub. Mərkəzin direktoru professor Əyyub Əyyubovla görüşdə müasir təhsilin mövcud vəziyyəti təhlil edilib. Təhsil sahəsində Beynəlxalq əməkdaşlığın önəminə, xüsusilə qardaş ölkələrin təhsil müəssisələrinin əməkdaşlığının daha əhəmiyyətli və faydalı olunacağı qənaətinə gəlinib. Xüsusilə diqqətə alınıb ki, dövlət başçıları prezident cənab İlham Əliyev və prezident cənab Rəcəb Tayyib Ərdoğan bir çox sahələrdə, o cümlədən təhsil sahəsində hər iki ölkənin əməkdaşlığına yüksək önəm verdiklərini bildirmişlər.
31.05.2021-ci il tarixdə Güleç ABC Təhsil Təşkilatları ilə Azərbaycan Respublikası “Zəka-S” Təlim-Tədris Mərkəzi arasında Beynəlxalq Təhsil əməkdaşlığı haqqında müqavilə imzalanıb. Müqavilədə müəssisələr arasında yaxın və uzaq perspektivdə nəzərdə tutulan birgə əməkdaşlıq fəaliyyəti öz əksini tapıb.
Güleç ABC Təhsil Qurumları 1993-cü ildə Türkiyənin Kırıkkalə şəhərində fəaliyyətə başlayıb. ABC təhsil müəssisələri təhsildə yeni nailiyyətlərin həyata keçirilməsi ideyasının məhsulu olaraq qurulub. 2012-ci ilə qədər özəl tədris sektorunda minlərlə tələbənin qazandığı yüksək müvəffəqiyyətdə lider bir təhsil müəssisəsi kimi tanınıb. 2012-ci ildə Kırıkkaledə ilk Özəl Tibb Kolleci xüsusi məktəb sektoruna qədəm qoyub. Təhsildə daha da irəliləməyi hədəfləyən Güleç ABC Təhsil Təşkilatları, 2014-cü ildə Xüsusi Anadolu Liseyini açıb. Hər zaman təhsil sektoruna sərmayə qoyan Güleç ABC Təhsil Təşkilatları, 2014-cü ildə Ankara Sincan Xüsusi Uşaq Bağçası, İbtidai məktəb, orta məktəb şöbələrini yeni nəsil təhsil yanaşması ilə açıb.
Yenilikçi və tədqiqatçı təhsil yanaşması ilə 2015-ci ildə Kırıkkalede ilk Xüsusi Elm Liseyi olaraq açılan məktəb, vilayətin lider Elm və Elm məktəbi halına gəlib. Güleç ABC Təhsil Təşkilatları 2017-2018 tədris ilində bölgənin ən böyük təhsil kampusunu tikdirib və şəhərə yeni bir uşaq bağcası, ibtidai və orta məktəb qazandırıb. 2018-2019-cu illərdə vilayətdə ilk özəl Kompüterləşdirilmiş Maşın İstehsalı (CNC) şöbəsini özündə birləşdirən Peşə və Texniki Anadolu Liseyi fəaliyyətə başlayıb.
Hər keçən gün uğur qrafikini daha yüksək səviyyələrə çatdıran və gələcəyə doğru addımlar atan Güleç ABC Təhsil Təşkilatları, dünya insanlarını yetişdirmək fəlsəfəsi ilə müasir və yenilikçi layihələrini Türkiyənin və bütün bəşəriyyətin xidmətinə təqdim etməyə davam etməkdədir. Hazırda Güleç ABC Təhsil müəssisələri tərkibinə Güleç ABC Maşın Texnologiyaları Kolleci, Güleç ABC Elm Liseyi, Kırıkkale Güleç ABC Anadolu Liseyi, Kırıkkale Güleş ABC fən Liseyi, Sincan Güleç ABC İbtidai və orta məktəbi, Güleç ABC Tibb Kolleci, Kırıkkale Güleç ABC Xüsusi Təhsil Kursuş Kırıkkale Güleç ABC Fərdi İnkişaf Kursu, müxtəlif peşə kursları və digər təhsil müəssisələri fəaliyyətlərini uğurla davam etdirməkdədir.
